Shree Uvasaggaharam Stotra

उवसग्गहरं पासं, पासं वंदामि कम्म-घण मुक्कं । विसहर विस निन्नासं, मंगल कल्लाण आवासं ।।1।।

Uvasaggaharaṃ pāsaṃ, pāsaṃ vandāmi kamma-ghaṇa mukkaṃ । visahara visa ninnāsaṃ, maṅgala kallāṇa āvāsaṃ ।।1।।

विसहर फुलिंग मंतं, कंठे धारेइ जो सया मणुओ । तस्स गह रोग मारी, दुट्ठ जरा जंति उवसामं ।।2।।

Visahara phuliṅga mantaṃ, kaṇṭhe dhārei jo sayā maṇuo । tassa gaha roga mārī, duṭṭha jarā janti uvasāmaṃ ।।2।।

चिट्ठउ दुरे मंतो, तुज्झ पणामो वि बहु फलो होइ । नरतिरिएसु वि जीवा, पावंति न दुक्ख-दोगच्चं।।3।।

Ciṭṭhau dure manto, tujjha paṇāmo vi bahu phalo hoi । naratiriesu vi jīvā, pāvanti na dukkha-dogaccaṃ।।3।।

तुह सम्मत्ते लद्धे, चिंतामणि कप्पपाय वब्भहिए । पावंति अविग्घेणं, जीवा अयरामरं ठाणं ।।4।।

Tuha sammatte laddhe, cintāmaṇi kappapāya vabbhahie । pāvanti aviggheṇaṃ, jīvā ayarāmaraṃ ṭhāṇaṃ ।।4।।

इअ संथुओ महायस, भत्तिब्भर निब्भरेण हिअएण । ता देव दिज्ज बोहिं, भवे भवे पास जिणचंद ।।5।।

Ia santhuo mahāyasa, bhattibbhara nibbhareṇa hiaeṇa । tā deva dijja bohiṃ, bhave bhave pāsa jiṇacanda ।।5।।